نورت بنور المناير أنوار كل المناير
كل نور ٍ بنور نورك يزيد نور نوره
لك سمرة تسمر بالسمر سمار السماير
وصورة ٍ مصورة تصورها الف صورة
ضمير بالظما يضمر ظلال الضماير
ضمرة ياظامي تضم حي الضمير بضرورة
محيرني حور عينك يحير فيني المحاير
حرة ٍ تحتر بحرارة حيرتي تحور حرورة
شعرت بشعري واشعرت بالشعر الشعاير
مدري شعوري شعر شاعر ولا مجرد شعوره
قدر ربي يقدرني أقدر بالقد قدر القداير
وأقدر بالقدر مقياسِ ٍ بالأقدار مقدر قدوره
عطر ٍ على عطور العطر يعطر عطاير
نسمةٍ عطرية تعطر من عاطر العطر عطوره
واسفرت من بعد سفرتك وسافرت السفاير
والشوق بسفرة الروح سافر يسفر سفوره
كلك غير مغير بغيار الناس وأنته مغاير
غرور المغرة يغر الغرور ويغاير غروره
صرت من حقك تصير غاية مصير وأنت صاير
قلبي ترا تصبر بالصبر وماعادت نفسي صبورة
..................العاشق العربي
موضوع: نور المناير 
السبت يوليو 11, 2009 6:55 am