منتديات حشاشة بغداد
 
الرئيسيةس .و .جالأعضاءالمجموعاتبحـثالتسجيلدخول

شاطر | 
 

 صدق رايح حبيبي

اذهب الى الأسفل 
كاتب الموضوعرسالة
العاشق العربي

avatar

عدد المساهمات : 40
تاريخ التسجيل : 11/07/2009
العمر : 30

مُساهمةموضوع: صدق رايح حبيبي   السبت يوليو 11, 2009 6:51 am

صدك رايح حبيبي بلايه توديع

وقرارك هذا صار بغير رجعه

يمن صدرك حنين وكلبي مفطوم

من يبجي عليك شلون أقنعه

وأجيب منين شمعه تسامر الروح

وأنت بليل المحبين شمعه

وياقطعه الأحطنها بمجانك

واني الحاسبك من عندي قطعه

علمني الصبر لو رايد تروح

أنا بلياك وجعه تعين وجعه

بعدك ماجفيت وبان بسمار

وبسمارك عزيز وعيب أشلعه

ألمن سلمت كلبي اليهم بيك

ومن يشكي الهضم ياهو اليسمعه

حرت وين أطي وجهي وكلها عذال

ويا درب اليوديني وأتبعه

والله الوجعه ماتاذي اليعذلون

لراعيها تظل توجع الوجعه

كتلني كاس هجرك لا تلح بيه

شربني عله كيفك جرعه جرعه

أنا بلا روح بس الجسم ضليت

نص ميت ونص باجر أشيعه

رايد شوفتك وأحلم بملكاك

يبوطول الحلو وعيون وسعه

وأشوفك بيش أشوف منيلي عيون

ياعين التصد وبنصها دمعه

شتلت حبك شتل مابين الضلوع

بس ماحسبت بيدك تكطعه....................... اخوكم العاشق العربي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صدق رايح حبيبي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shasha-7baghdad.yoo7.com :: الفئة الادبية والثقافية :: منتدى الشعر الشعبي-
انتقل الى: