حينما تصل الى طريق مسدود مع الملاك الذي تحبه لا يسعك إلا ان تقول (جيب موسى)

اترك راسي وانزل كافي اهات
كضيت العمر وياك مغلوب

طبعاًعقلي يثكل ماله تفكير
اذا فوكه انته من اسنين مصلوب

التمر لحضه اعلى باله ينسجن عام
وانت اسنين يمي اشكثر مطلوب

اقفز فوك صفناتك وارد هام
تطردني واظل خاتل بلجيوب

عقلك ما وكف بي احد لليوم
تمره الناس تعبر صاير انبوب

لاتدخل ابكلبي امكدس اهموم
وانت امن الحمامه اتنام مرعوب

اي درب التمر واتيه اتعود
مر ابعيني تلكه اشعابر ادروب

يلعينك جبل والرمش شلال
وجهك نهر دجله ابوكت الغروب

شفتك جرح كلبي ابكيلو مترات
لاكن على اشفاهك ملي محسوب

جلدك وين جان ابجيب موسى و
طلع للناس ابيض شكله مكلوب

شعرك مراجيح اتلعب الناس
وركبتك من ثكلهن باقيه اتلوب

جزر هاواي جفنك جتك الناس
وبس ترمش توكّع كل الكلوب

خصرك وكت صوم امهذب الناس
نصعد فوكه عيد امقفل البوب
أسألك عفيه زندك واكف اشلون
واضح شكله من لا عظم مصبوب

اسمك مو حلو لاكن عشكنا
ويا اسم التلفضه ايصير محبوب

درب الما تمره ايصير مهجور
وياكره التمره ايصير مرغوب

الماس اشكد جميل وخالي ايعيوب
من توكف ابصفه ايصير معيوب