منتديات حشاشة بغداد
 
الرئيسيةس .و .جالأعضاءالمجموعاتبحـثالتسجيلدخول

شاطر | 
 

 قصيدة جزيرة الفقراء

اذهب الى الأسفل 
كاتب الموضوعرسالة
حشوش
المدير
المدير


عدد المساهمات : 209
تاريخ التسجيل : 05/02/2008
الموقع : shasha-7baghdad.yoo7.com

مُساهمةموضوع: قصيدة جزيرة الفقراء   الأربعاء يونيو 03, 2009 4:54 am

جزيرة الفقراء
من امشي مالي خلك ..
كل خطوه احسا عمر .. متكسر اجناحه
والراحه كطره ابمطر .. يعصرها غيم السمه ..
ومن توكع اعله الدرب .. تتكسرالراحه ..
العوز بيه نهر .. كدامي صاير نهر ..
خايف اعبره صدك .. ويكضني تمساحه ..
تمنيت موتي ابجرف .. بس مامتت عالجرف ..
لن موتي بي راحه .
اشراع السفينه اجه .. بس الفقر شككه ..
من هدن ارماحه .
تهت ابجزيرة فقر .. بيها الصبح هم عطش ..
ومن عطش شفته شرب .. بالكاس مصباحه .
واحد ابكاعه ثمر .. بس جفه يحصد تعب ..
واحد مشاف التعب .. وبجفه تفاحه .
واحد زرع طيبته .. وماشاف كلشي طلع ..
واحد ابد مازرع .. بس شاف قداحه .
عمري انه شايب كضه .. وشفت اعله الضهر العمر ..
طعنات سفاحه .
هسه انه حالي مثل .. يستان لمن عثر ..
ماشاله فلاحه .
تعبان شايل حمل .. شعب اعله راسي كعد ..
ولمن طحت من صدك .. يادنيه جيتي علي ..
جكليت طشيتي .
وحلمت اجاني الفقر .. جوعان حلك الفقر ..
فزيت من الحلم .. ماكل سكف بيتي .
وفوكايه بيتي انهد .. وكدامي والحد شفت ..
بس ماصحتله يجي .. ابروحي انه عزت نفس .. ماتقبل اصيحه
شافاني عيدي اختنك .. والعيد من اختنك .. شهكت مراجيحه
والفقر صاير سهم ..
وتدري انته من ينطلق .. مايخطي نيشانه
ميت عشت دنيتي .. وكل ثانيه اطش حجر ..
واليومك لمن يجي .. يتكير اعله الدرب ..
من جام حيطانه .
مركب صعته وغرك ..
والعله مو بالبحر ..
جيف اعمه سفانه ..
اشتترجه لو بس شفت ..
فلاح يزرع عطش .. بشفاف كيعانه .
لحسين لمن عطش ..
عباس مر لنهر ..
لاماترس جربته ..
عباس شال النهر .. من عطشو اخوانه .
وهسه انه لمن طحت ..
صح همه اجوي ركض ..
بس جوي دفانه .

الشاعراميرالمالكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة جزيرة الفقراء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shasha-7baghdad.yoo7.com :: الفئة الادبية والثقافية :: منتدى الشعر الشعبي-
انتقل الى: